Færsluflokkur: Dægurmál

Góða vísa

Gæinn sem geymir aurinn minn.

Ég finn það gegnum netið
að ég kemst ekki inn
á bankareikninginn,
en ég veit að það er gæi
sem geymir aurinn minn,
sem gætir alls míns fjár,
og er svo fjandi klár,
kann fjármál upp á hár,
býður hæstu vextina,
og jólagjöf hvert ár.

Ég veit hann axlar ábyrgð,
en vælir ekki neitt,
fær þess vegna vel greitt,
hendur hans svo hvítþvegnar
og hárið aftursleikt.
 Þó segi' í blöðunum
frá bankagjaldþrotum
hann fullvissar mig um:
Það er engin áhætta
í markaðssjóðunum.

Ég veit að þessi gæi
er vel að sér og vís;
í skattaparadís
á hann eflaust fúlgur fjár,

ef hann kemst á hálan ís.
Því oftast er það sá,
sem minnstan pening á,
sem skuldin endar hjá. -
Fáir slökkva eldana,
sem fyrstir kveikja þá.

Finni Þór .
 Október 2008.


Þetta er slæmt

Lítil bæjarfélög þola illa svona tjón, ég vona bara að þeir séu vel tryggðir.
mbl.is Skemmdir upp á tugi milljóna
Tilkynna um óviðeigandi tengingu við frétt

Mikið var að eitthvað heyrðist

Það voru miklu betri útskýringar hjá IMF heldur en hjá geira og imbu.

En hvar skildu þeir svo draga saman í ríkisrekstrinum??? það verður stóra spurningin.

Persónulega myndi ég byrja á eftirlaunafrumvarpinu, sendiráðunum, utanlandsreisum ráðherra.....og fleiri þáttum, þeir mega alls ekki draga úr heilbrigðiskerfinu, félagslagakerfinu og löggæslu landsins.


mbl.is Mjög erfiðir tímar framundan
Tilkynna um óviðeigandi tengingu við frétt

Má nú ekki draga sér björg í bú

Lengi hefur nú verið til siðs að kaupa skrokka í heilu af bóndanum.

Og nú má það ekki Devil

 

 


mbl.is Með kjöt af heimaslátruðu í bílnum
Tilkynna um óviðeigandi tengingu við frétt

Hvernig ????

Hvernig í ands....... á að endurgreiða þetta Devil
mbl.is Óska eftir 6 milljörðum dala
Tilkynna um óviðeigandi tengingu við frétt

Nú verður að fjölga lögreglumönnum

Þetta er hrikalegt ástand.......... mér líst ekki á hvernig þjóðfélagið er að verða.

Ég styð það heilshugar að lögreglumenn fá rafbyssur til notkunar sér til varnar og fjölga verður í röðum lögreglumanna. 

Nú þarf að bregðast skjót við og ekkert hangs.....


mbl.is Fólskuleg árás á lögreglu
Tilkynna um óviðeigandi tengingu við frétt

Er þetta ekki einelti ??

Aumingja Davíð ............. en það verður að játast að hann á ekki heima í Seðlabankanum þessi elska, best væri ef hann hætti og myndi snúa sér að öðru t.d. ritstörfum hann er góður penni strákurinn.
mbl.is Mótmæla Davíð Oddssyni
Tilkynna um óviðeigandi tengingu við frétt

Fékk þessar vísur sendar á tölvupósti

Þjóðnýting


Á lítilli eyju við heimsskautahjara
býr heimakær, vansvefta, auðtrúa þjóð.
Hún leit upp til ráðsmanna loðinna svara
sem loforðum öfugt í kok hennar tróð.


Þeir níddust á trausti og trúgirni okkar
– táldrógu sannlega helvítis til.
Og allt sem þeir gerðu, þeir gordrullusokkar
gerðu þeir flottræflum sínum í vil.


En frelsið er háðara boðum og bönnum
en bláeygðir frjálshugar ímynda sér.
Þjóð mín var notuð af nýríkum mönnum
og nauðgað af útrásarvíkingaher.

Þetta er nýr texti við lagið söknuð með Villa Vill
Mér finnst ég varla heill né hálfur maður
Og heldur blankur, því er verr
Ef væri aur hjá mér, væri ég glaður
Betur settur en ég er
Eitt sinn verða allir menn að borga
Eftir bjartan daginn kemur nótt.
Ég harma það, en samt verð ég að segja,
að lánið fellur allt of fljótt.
Við gátum spreðað, gengið um,
gleymt okkur í búðunum.
Engin svör eru við stjórnarráð
Gengið saman hönd í hönd,
Saman flogið niður á strönd.
Fundið stað, sameinað beggja lán.
Horfið er nú hlutabréf og lánsfé
Í veski mínu hefur eymdin völd
Í dag ræður bara sultarólin
Nú einn ég sit um skuldavönd
Eitt sinn verða allir menn að borga
Eftir bjartan daginn kemur nótt.
Ég harma það, en samt verð ég að segja,
að lánið fellur allt of fljótt.
Ég horfi yfir bankann minn
Hugsi hvort hann hleypi mér inn
Ég alltaf gat treyst á þig
Í að fjármagna mig
Ég reyndar skulda allstaðar
Þá napurt er, það næðir hér
og nístir mig.
 
Nýi texti við ísland er land þítt
Ísland var land mitt, ég aldrei því gleymi,
Ísland í gjaldþroti sekkur í sæ,
íslensku krónun´í banka ei geymi
við íslenska hagkerfið segi ég bæ,
Ísland í erfiðum tímum nú stendur
Íslenska stjórnin hún failar margfalt
Íslenski seðillinn er löngu brenndur
Ísland er landið sem tók af mér allt

 


Ljóð Steins Steinarr...... sem höfðar mikið til mín

Það vex eitt blóm fyrir vestan

Það vex eitt blóm fyrir vestan,
og vornóttin mild og góð
kemur á ljósum klæðum
og kveður því vögguljóð.

Ég ann þessu eina blómi,
sem aldrei ég fékk að sjá,
og þangað horfir minn hugur
í hljóðri og einmana þrá.

Og því geng ég fár og fölur
með framandi jörð við il.
Það vex eitt blóm fyrir vestan
og veit ekki, að ég er til.

Ljóð Steins eru öll frábær.......... svo skrítið sem það er á ég ekki bók eftir hann.

Mikið langar mér vestur í djúp núna............. í friðin frá öllu þessu vesinni í sem er í þjóðfélaginu.


Taka til

Ég fór á þriðjudaginn að hitta stelpurnar í A-Ö hópnum og það var svo gaman mikið hlegið og heimsmálin rætt og komust við að þeirri niðurstöðu að nú væri sko verið að taka til í heiminum og munum við koma stærri og sterkari út úr þessum hremmingum. Wink

Nú er ég búinn að stunda heitapottinn í sundlauginni hér í Sandgerði af miklu kappi. Sundlaugin er frábær eftir endurbæturnar sem eru virkilega vel heppnaðar. Komnar tvær rennibrautir sem unga kynslóðin elskar. Mæli með því að fólk fái sér bíltúr í Sandgerði og fari í sund.

Nú skulum við íslendingar brosa, því lífið er yndislegt. Grin


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband