Fékk þessar vísur sendar á tölvupósti

Þjóðnýting


Á lítilli eyju við heimsskautahjara
býr heimakær, vansvefta, auðtrúa þjóð.
Hún leit upp til ráðsmanna loðinna svara
sem loforðum öfugt í kok hennar tróð.

Þeir níddust á trausti og trúgirni okkar
– táldrógu sannlega helvítis til.
Og allt sem þeir gerðu, þeir gordrullusokkar
gerðu þeir flottræflum sínum í vil.

En frelsið er háðara boðum og bönnum
en bláeygðir frjálshugar ímynda sér.
Þjóð mín var notuð af nýríkum mönnum
og nauðgað af útrásarvíkingaher.

Þetta er nýr texti við lagið söknuð með Villa Vill

Mér finnst ég varla heill né hálfur maður

Og heldur blankur, því er verr

Ef væri aur hjá mér, væri ég glaður

Betur settur en ég er

Eitt sinn verða allir menn að borga

Eftir bjartan daginn kemur nótt.

Ég harma það, en samt verð ég að segja,

að lánið fellur allt of fljótt.

Við gátum spreðað, gengið um,

gleymt okkur í búðunum.

Engin svör eru við stjórnarráð

Gengið saman hönd í hönd,

Saman flogið niður á strönd.

Fundið stað, sameinað beggja lán.

Horfið er nú hlutabréf og lánsfé

Í veski mínu hefur eymdin völd

Í dag ræður bara sultarólin

Nú einn ég sit um skuldavönd

Eitt sinn verða allir menn að borga

Eftir bjartan daginn kemur nótt.

Ég harma það, en samt verð ég að segja,

að lánið fellur allt of fljótt.

Ég horfi yfir bankann minn

Hugsi hvort hann hleypi mér inn

Ég alltaf gat treyst á þig

Í að fjármagna mig

Ég reyndar skulda allstaðar

Þá napurt er, það næðir hér

og nístir mig.

 

Nýi texti við ísland er land þítt

Ísland var land mitt, ég aldrei því gleymi,

Ísland í gjaldþroti sekkur í sæ,

íslensku krónun´í banka ei geymi

við íslenska hagkerfið segi ég bæ,

Ísland í erfiðum tímum nú stendur

Íslenska stjórnin hún failar margfalt

Íslenski seðillinn er löngu brenndur

Ísland er landið sem tók af mér allt

 

Athugasemdir

[Heidi Strand, 12.10.2008 kl. 00:04]

Fyrsta vísan var ágætt en Söknuður mætti fá að vera í friði.

[Vilborg Auðuns, 12.10.2008 kl. 18:37]

Heidi ég er alveg sammála þér...

Knús til þín

Kveðja Vibba

[Vilborg Auðuns, 16.10.2008 kl. 11:44]

Æ ekki var það nú gott........ vonandi nærð þú þér sem fyrst... Það er alveg ömurlegt að vera handalaus hehehe.....

Það er alltaf gaman að les bloggið þitt......

Hafðu það sem allra best frændi og knús til þín

Kveðja Vibba